مدارس فجر الاسلام الخاصة للغات (رياض أطفال ـ ابتدائي ـ اعدادي ـ ثانوي) ت : 0132723015

فكرة واعداد أسرة الحاسب الألي بالمدرسة اشراف أ / هبة عزت مدرسة الحاسب الآلي
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نكتى يارب تعجبكم احمد مصطفي محمود

اذهب الى الأسفل 
كاتب الموضوعرسالة
ahmed.mostafa



عدد المساهمات : 48
تاريخ التسجيل : 01/11/2008
العمر : 21
الموقع : http://www.ahmed.net

مُساهمةموضوع: نكتى يارب تعجبكم احمد مصطفي محمود   الأربعاء نوفمبر 05, 2008 5:14 am

"واحده بخيله قالت لابنها يامحمد روح اشتري ثلاثه رغيف واحد ليا وواحد
لابوك وواحد ليك وبعد ما راح ابنها علشان يشترى العيش طلعت امه من البلكونه
وقالت يامحمد رجع الرغيف الثالث ابوك مات "

"بخيل اتزوج بخيلة جابوا بنت سموها حصالة "

" واحد بخيل اشترى 3 برتقالات قطع الاولى علشان ياكلها لقاها معفنة وقطع التانية لقاها معفنة فطفي النور وقطع التالتة واكلها "

"نملة رفضت الدخول من تحت الباب .... ليه؟
خايفة على تسريحة شعرها تـتلخبط "

" استاذ بيسأل طالب ايه هو اسرع حيوان في العالم الطالب: الفيل
الاستاذ:الفيل ياغبي ياحمار ياأهبل انت اسمك ايه يالا
قاله تامر قاله ابوك بيشتغل ايه قاله وكيل نيابه الاستاذ
قاله والله يابني هو ممكن يبقى الفيل بس لو شد حيله شويه "

" حلاق بيحلق لزبون فى الصالون دخلت عليهم قطه صغيرة وعماله بتنونو بصوت عالى لأنها جعانه صعبت على الحلاق راح قاطع ودن الزبون ورماها للقطه, راح الزبون معيط وبيصرخ , الحلاق قاله بقى أنا سكت القطه هتطلع أنت "

" مدرس جغرافيا نص الفصل بياخد عنده درس والنص التانى لا وقف واحد من الى بياخد عنده وقالوةكم عدد نسمه فى مصر قلوة70 مليون نسمه قالوة شكرا ووقف واحد من الى مبيخدش عنده وقالوة قول اسماؤهم "


" واحد بلدياتنا راح يزور واحد يابانى صاحبه فى مستشفى فى اليابان اليابنى كان نايم وبيتنفس بجهاز التنفس الصناعى فبلدياتنا بيقول لليابانى شد حيلك امال واليابانى يرد ( يوكى شنج ) وبلدياتنايقول ( يوكى شنج ) دى فى عنيا بس شد حيلك انت اليابانى ( يوكى شنج ) وبعدين مات وفى الجنازه بتاعته بلدياتنا كان بيقول لواحد صاحبه الله يرحمه كان بيوصينى على بنته ( يوكى شنج ) قبل ما يموت رد صاحبه ( يوكى شنج ) دى مش بنته ده كان بيقولك قوم من على خرطوم الاكسجين "


" مرة واحد مصري قاعد في الطيارة فحصل عطل في الطيارة فقالت المضيفة اللي عارف بلده ينط فيها
فقام الأمريكي وبص لاقي بلده لونها ابيض قال دي بلدي ونط فيها
وجه الأفريقي شاف الأرض لونها أسود قال دي بلدي ونط فيا
المصري بقي مش عارف بلده طلع إيده من الشباك الساعة أتسرقت قال دي بلدي ونط "

" واحد بيسأل واحد بيقوله اسرع طريق للمستشفى منين؟ رد عليه التانى وقال له غمض عنيك وعدى الطريق "

" مره خمس صاعيده حاولوا يركبوا لمبه واحد مسك اللمبه و الاربعه لفوا السقف "

"مره واحد راح يزور واحد صحبه فى بلد ارياف لقى ناس كتير قوى قوى ملمومين حولين الدار بيسال فى ايه قلوله اصل صاحب البيت عنده حمار غبى قوى رفص حمات الراجل صاحب البيت قال كل الناس ده جين يطمنو على حماته قله لا دول جيين يشتروا الحمار "

" مره واحد مسطول مروح البيت بالليل فلقى قطه فخدها معا فتح الباب لقلى مراته واقفه فبيقول شفتى القرد قالتله قرد ايه ياراجل دى قطه قللها انكتمى انا مش بكلمك بكلم القطه "

"مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى "

" عايزين يثبتوا ذكاء الصعايده فقالوا هنسئلهم سؤالين الاول:مين اللي انتصر في غزوه بدر قالو المسلمين ومين اللي كسب في ماتش الاهلي والزمالك الاخير قالو الاهلي قعدوا يهيصوا وقالوا احنا اذكياء وفي وسط الهيصه واحد سأل امال الزمالك هايلاعب الكفار علي التالت والرابع امتي "

"مرة واحد كان سايق عربية بيجو 7 راكب علي الطريق السريع ومعا ناس وكان ماشي بسرعة 120 فقام واحد من الراكبين وقال للسواق هدي السرعة شوية فقاله السواق انت بتفهم في البيجو قاله لأ فقاله طب اسكت قام مزود السرعة ل160 قام واحد قاله هدي السرعة شوية قام قاله بتفهم في البيجو قاله لأ فقاله طب اسكت قام مزود السرعة ل180 قام واحد قاله هدي السرعة شوية فقاله بتفهم في البيجو فقاله أيوه فقاله طب تعالي وقفها "

" مرة واحدة ست خينفة ركبت الاتوبيس قالت للسواق انت هتنف كدة ولا هتنف كده قالها:لا انا هبربر على طول "

" جماعة حشاشين قاعدين يحششوا كبس عليه البوليس سابوااللى فى ايديهم ووقفوا صف واحد سألهم الظابط..... انتوا بتعملوا ايه قاللوا بنصلى يا باشا قالهم والنار دى ليه ........قالوا علشان اللى مبيصليش يا باشا "

" نملة مات زوجها الفيل وقعدت طول حياتها تدفن فيه "

" صياد كسلان كتب كلمة طعم فى ورقة وشبكها فى الصنارة ونزلها المية بعد شوية طلعت ورقة تانية ومكتوب فيهاسمكة "

" مدرس عربى دخل الفصل قال للعيال النهارده املاء اكتبو ورايا,ذهب حسام الى مصيف بلطيم يوم الاربعاء,قام تلميذ قالو يا استاذ الهمزه على الالف ولا على السطر قالو خلاص خليها الخميس "

"مرة ولد سأل ابوه هل الحب اعمي يا بابا قاله بص في وش امك و انت تعرف "

" مرة راجل وابنة قاعدين بياكله فالباب خبط عليهم فالراجل قال لابنة قوم افتح لامك الواد قاله انا مالى مش مراتك ماتقوم تفتحلها انت قالو يابنى دى امك الواد ماهى مراتك قالو هى طالق قوم افتحلها "


" واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جتلها الحصبه ماتت "

"صعيدى نزل مصر وراح الاستاد لقا الاهلى نزل بفنلتة الحمرا ومكتوب عليها كوكا كولا والاسماعيلى فانلتة الزرقاء ومكتوب عليها بيبسى والزمالك بفنلتة البيضا ومكتوب عليها شويبس راح لابس الجلابية وكتب عليها عصير قصب ونزل الملعب "




يــــــارب النكت تعجبكوا مــــــــــــــع تحيـــــــــــــــــــ(احمد مصطفي محمود)ــــــــــــــاتى

santa Smile Shocked Question Exclamation I love you cheers cheers وشكرا
متنسوش الردود بقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Heba Ezzat
Admin
avatar

عدد المساهمات : 114
تاريخ التسجيل : 16/10/2008

مُساهمةموضوع: ازيك يا احمد   الأربعاء نوفمبر 05, 2008 5:45 am

ياريت يا احمد تقلل من النكت ومواقع الاغانى علشان المنتدي ده تعليمي انت نسيت انه منتدي المدرسة ركز شوية علي الجانب العلمي ومش معنى كدة ان موضوعاتك مش حلوة بالعكس هى جميلة ومتنوعة بس ركز اكتر علي الجانب التعليمى وربنا يوفقك ............. مس هبة عزت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fagreleslamschool.3oloum.org
ahmed.mostafa



عدد المساهمات : 48
تاريخ التسجيل : 01/11/2008
العمر : 21
الموقع : http://www.ahmed.net

مُساهمةموضوع: ...........................................   الأربعاء نوفمبر 05, 2008 5:50 am

حاضر يا مس بس انا مش لاقى حاجة انزلها وبعدين مش لازم كله تعليمى اوى يعنى وبعد كده انا مش هاحط غير تعليمى اوكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكتى يارب تعجبكم احمد مصطفي محمود
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدارس فجر الاسلام الخاصة للغات (رياض أطفال ـ ابتدائي ـ اعدادي ـ ثانوي) ت : 0132723015 :: منتدي الآراء والمقترحات-
انتقل الى: