مدارس فجر الاسلام الخاصة للغات (رياض أطفال ـ ابتدائي ـ اعدادي ـ ثانوي) ت : 0132723015

فكرة واعداد أسرة الحاسب الألي بالمدرسة اشراف أ / هبة عزت مدرسة الحاسب الآلي
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مصر أم الدنيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
eslamayoub



عدد المساهمات : 2
تاريخ التسجيل : 08/11/2008
العمر : 29

مُساهمةموضوع: مصر أم الدنيا   السبت نوفمبر 15, 2008 12:46 am

غلابه الناس

غلابه الناس وفاكرينني
باشيلك بس في النني
وعايزينني
أقول إني
بحبك موت
وناسيين ان حتي الموت
يخاف يدخل ما بيننا يموت
فأيه رأيك نفهمهم
رموز الصمت في اللوحه
نعلمهم يخبوا إمتي أشواقهم
وإمتي تبقي مسموحه
***********
سكوتنا مزلزل القاره
وناس أفريقيا مش ناقصين
فأيه رأيك؟ نكمل صمتنا في الصين
نيوتن لما بيشوفك
يخاف لو يرمي تفاحته
ما تنزلشي اليه تاني
وعلم الإجتماع لمحك
فعاش العمر وحداني
وحتي الجبر أجبرتيه
يخش الهندسه بمجموع
غلابه الناس وفاكرين الجنون ممنوع
غلابه الناس ومش فاهمين ايه الموضوع
أنا الموضوع علي جبل الهوي الفطري
ف يا عطري
عشان خاطري
ما تتواضعيش
لأن الحب علمنا
يا إما بموته يكسرنا
يا إما بكبريائه نعيش
********
ديابه الناس و عايزين حبنا ينهار
ومن إمتي المحيط بيخاف من الأنهار ؟
ومين قال الحنين يتعد بالأمتار؟
يا أنقي م السما الصافيه
يا ساكنه قلبي بالعافيه
يا ريح شماليه مش دافيه
يا جغرافيا
تعالي و إكسري القافيه
يا أحلي ظلم و استعمار

يا ريت يا حبيبتي بس تهدي أجوائك
يا ريت يا حبيبتي بس تخبي أشواقك
ليغرق نص سكان آسيا في الإعصار
غلابه الناس وفاكرينني باقول أشعار
*****************
غلابه الناس وفاكريننا بعيد عن بعض
غلابه بجد بعد دقيقه هيموتوا
وهيشوفوا انفجار الأرض
لما يضمها بلوتو
**********
أنا مدفع غرام قلبي
يخوف هتلر النازي
ومين يقدر يفرقنا
ومينا موحد القطرين
بحاله هو أستاذي
يا أجمل قطر في الدنيا
هاسافر بكرا للإغريق
واجيب لك شعر إلياذي
دا عاشق لون عنيكي يا مصر
بيبقي عشقه إعجازي
يا جراحه ومش جارحه
يا طعم الحزن و الفرحه
يا قاسيه بس متسامحه
ومهما اكتب كلام فيكي
هكون جنب اللي مات ليكي
مجرد نقطه في الصفحه
eslam.ayoub@yahoo.com Exclamation Wink Arrow
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مصر أم الدنيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدارس فجر الاسلام الخاصة للغات (رياض أطفال ـ ابتدائي ـ اعدادي ـ ثانوي) ت : 0132723015 :: مساهمات طلابية-
انتقل الى: